អង្គការឆត្របៃតង ផ្តល់ការអប់រំដល់កុមារក្រីក្រ ចាប់ពីថ្នាក់មតេ្តយ្យសិក្សាដល់បឋមសិក្សា។ សាលាដំណើរការ​ចាប់ពី​​ ម៉ោង ៧ៈ០០ព្រឹក ដល់ម៉ោង ៤ៈ០០រសៀល រៀងរាល់ថ្ងៃចន្ទ ដល់ថ្ងៃសុក្រ។
អង្គការឆត្របៃតង ធ្វើការជ្រើសរើស​កុមារឲ្យចូលរៀនថ្នាក់មត្តេយ្យចេញពីគ្រួសារក្រីក្រម្នាក់​ក្នុងមួយគ្រួសារ រៀងរាល់មួយឆ្នំាម្តង នៅខែកញ្ញា និងខែតុលា។​​ លក្ខណៈវិនិច្ឆ័យជ្រើសរើសសិស្សចូលរៀនរួមមាន ស្ថានភាពគ្រួសារ សមត្ថភាពបញ្ញា និង សុខភាពទូរទៅរបស់កុមារ។

កុមារត្រូវបានផ្តល់ការអប់រំដោយផ្អែកលើកម្មវិធីសិក្សារបស់ជាតិ ដូចជា៖ ភាសាខ្មែរ គណិវិទ្យា វិទ្យាសាស្រ្ត និងសិក្សាសង្គម។
អង្គការឆត្របៃតង ក៏មានប្រព័ន្ធខ្ជីសៀវភៅពីបណ្ណាល័យ ដល់សិស្សរបស់យើង។ សៀវភៅទំាងនេះ គឺសម្រាប់អោយសិស្សអនុវត្តន៍អាននៅផ្ទះ ជាមួយគ្រួសាររបស់គេ។

អង្គកាឆត្របៃតង បានផ្តល់អោយសិស្សនូវការសិក្សាបច្ចេកវិទ្យាព័ត៌មាន និងការទំនាក់ទំនង ដើម្បីអភិវឌ្ឍជំនាញ កុំព្យូទ័ររបស់សិស្ស និងការប្រាស្រ័យទាក់ទងជាភាសាអង់គ្លេស។​ បច្ចេកវិទ្យាព័ត៌មាននិងការទំនាក់ទំនង ក៏ត្រូវបានបង្រៀន ដែលអាចជួយឲ្យសិស្សមានជំនាញក្នុងការប្រើប្រាស់ បច្ចេកវិទ្យាតាមប្រភេទខុសគ្នា។ សិស្ស ប្រើកុំព្យូទ័រ និង អាផេត ដើម្បីធ្វើបទបង្ហោញ បង្កើតវិដេអូ និងធ្វើការស្រាវជ្រាវ។

សិស្សរបស់យើង គឺមកពីគ្រួសារដែលរស់នូវក្នុងភាពក្រីក្រ នេះជាមូលហេតុធ្វើអោយពួកគេខ្វះអាហារូបត្ថម្ភ។ អង្គការឆត្របៃតង
ក៏ផ្តល់អាហារពេលព្រឹក និងអាហារថ្ងៃត្រង់ដល់សិស្សនៅសាលារៀនដើម្បីធានាថាសិស្សទំាងអស់ទទួលបានអាហារូបត្ថម្ភគ្រប់គ្រាន់ ហើយរក្សាបាននូវសុខភាពល្អ និងភាពរីករាយ។ សិស្សទំាងអស់ទទួលបានការពិនិត្យសុខភាពពីរដងក្នុងមួយឆ្នំា។